Neptunus

De Neptunus, uf tütsch Neptun (latiin. Neptūnus, -ī) isch de röömisch Wassergott. Er isch mitem griechische Poseidon gliichgsetzt wore und denn au as Meergott vereert wore. Im Bineland aber ischer as e Flussgott vereert wore, so au de Rhii, de Neckar, de Main und d Tonau.

D Römer hend au Götter vo anderne Völker Neptunus gnennt, so de Flussgott Rhenus. Vo de Helvetier schiint er nöd bsundrigs vereert wore z sii, aber am de Gempfersee isch er wichtig Gott gsii. S werd agnoo, as die hölzigi Götterstatue wo im Hafebeggi vo Gempf gfunde woren isch, möglicherwiis de Seegott darstellt. Di zwee Grantifels, wo i de Nööchi vom Fundort usem Wasser lueget, haisset hütt no Pierres du Niton "Neptunstai" und e Wassergaist wo im Gempfersee huuset haisst Nuiton.